АФК «Қайрат» «Барселонаның» бұрынғы ойыншысын қатарына қосады

Футзалдан «Қайрат» клубы жазғы трансферлік терезеде ауқымды келісім жасамақ. jay.kz мәліметінше, командаға «Барселона» клубында ойнаған тәжірибелі ойыншы қосылады.

Алматылық клуб сапын Ромуло Алвес Нобрэ толықтырады. 38 жастағы бразилиялық футзалшы кезінде тек каталондықтар үшін емес, соңғы жылдары отанындағы «Форталеза» командасында да ойнаған. Vesti.kz дерегінше, «Қайрат» пен Ромуло арасында келісім жасалып қойған.