Асу Алмабаев Абу-Дабидегі турнирдің негізгі картасында жұдырықтасады

Асу Алмабаевтың жекпе-жегі прелимге ауыстырылмайды. Қазақстандық файтер мен Хосе Очоа арасындағы кездесу кештің басты оқиғаларының біріне айналды. UFC бұл жекпе-жекті негізгі картаға орналастырды, деп хабарлайды jay.kz.

 

Бастапқыда Алмабаев өзбекстандық Рамазан Темировпен кездесуі тиіс болатын, алайда ол турнирден шығып қалды. Жекпе-жектің жарқындығы мен жұлдыздылығы азайғанымен, «Зұлпықардың» айқасы UFC үшін маңызды болып қала берді. Home of Combat Instagram парақшасы жаңартылған афишаны жариялады, онда қазақстандық спортшы негізгі картада көрсетілген.