Азат Максумға UFC-дің нөмірлік турниріне жекпе-жек тағайындалды

Азат Максум UFC-дегі жеңілістер сериясын тоқтатуға талпынып, октагонға қайта шығуға дайын. Жекпе-жекші жаңа қарсыласын және нөмірлік турнирдегі орнын алды, деп хабарлайды jay.kz.

 

Қазақ спортшысы қазан айында Абу-Дабиде өтетін UFC 321 турнирінде октагонға оралады, деп жазды инсайдер Марсель Дорфф X әлеуметтік желісінде. Оның қарсыласы – әлемнің ең мықты лигасында қатарынан екі жеңіліске ұшыраған Митч Рапосо болады. Максум да соңғы екі кездесуінде жеңілген болатын. Соңғы жекпе-жегінде ол ресейлік Тагир Уланбековке есе жіберген.