Дастан Сатпаевты Еуропада Ламин Ямальмен салыстырды

16 жастағы Сатпаев тек Қазақстанда ғана емес, шетелде де сөз бола бастады. «Олимпиямен» болған ойындағы өнері «Қайраттың» бұрынғы жұлдызы Жарко Марковичті таңғалдырды, деп хабарлайды jay.kz.

Экс-қорғаушы жас ойыншының талантын ерекше атап өтті. Оның пікірінше, Сатпаев Ламин Ямаль сияқты үздік футболшылармен бір деңгейде тұр. Марковичтің айтуынша, жақын арада бұл қазақстандық жайлы бүкіл әлем айтатын болады. Бұл ойымен серб Prosports-қа берген сұхбатында бөлісті.