Екі қазақстандық «Канело» — Кроуфорд кардында жұдырықтасады

13 қыркүйекте өтетін үлкен бокс кеші қазақстандық жанкүйерлерді тек басты жұлдыздармен ғана емес, сонымен қатар жерлестеріміздің қатысуымен де қуантады, деп хабарлайды jay.kz.

Allegiant Stadium аренасында екі бірдей отандасымыз өнер көрсетеді. Данияр Елеусинов пен Иван Дычко Сауль «Канело» Альварес пен Теренс Кроуфордтың андеркардында жұдырықтасады. Екі боксшының да шілде айына белгіленген жекпе-жектері бар, ал одан кейін олар қыркүйекте өтетін үлкен ивентке қатысады. Бұл туралы олардың промоутері Зия Алиев «Наш боец» YouTube арнасына берген сұхбатында айтты.