UFC титулына басты үміткер Асу Алмабаевты мазақ етті: шақыру қабылданбады

Абу-Дабиде өткен UFC турниріндегі жеңісінен кейін Асу Алмабаев Джошуа Ванмен жекпе-жек өткізгісі келетінін мәлімдеді. «Зульфикар» сенімді түрде америкалықты жекпе-жекке шақырды, алайда басты үміткер оған тек күліп жауап қатты, деп хабарлайды jay.kz.

 

Ван ендігі Александр Пантожамен титул үшін жекпе-жекке шығатыны белгілі. Бірақ Алмабаев мұны ескермей, америкалықты айқасқа шақырды. Джошуа оның сөзіне назар аударды, бірақ келісімнің иісі де болмады. X-тегі парақшасында америкалық спортшы Асу Алмабаевты ашық түрде мазақ етті.