Қазақстандық балуандар Дагестанға шақырылды

Муцалаул елдімекенінде ауқымды спорт залының құрылысы басталды. Жобаның жетекшісі Омарсахаб Ахмедовтың айтуынша, бұл кешен Қазақстан мен Дагестан халықтарының достығын нығайтуды мақсат етеді, деп хабарлайды jay.kz.

 

Ахмедов 2024 жылы Атырау облысындағы су тасқыны кезінде көрсеткен көмегімен танымал болды: ол Жайық өзенінің жағалауын бекіту үшін 50 мың қап материал жеткізген. Енді дағыстандық азамат балуандарға арналған спортзал салмақ. Бұл кешенде қазақстандық спортшылар да жаттыға алады. Ахмедовтің айтуынша, отандық атлеттер жиынға жиі келетін болса, бұл халықтар арасындағы байланысты одан әрі нығайтады, деп жазады Atpress.kz.