Дана Уайттың сүйіктісі — қазақстандық Найманбаев жекпе-жекке дайын

19 шілдеде қазақстандық ауыр салмақтағы спортшы Power Slap лиғасында үшінші жекпе-жегін өткізеді. Закир Найманбаев салмақ өлшеуден сәтті өтіп, қажетті шекке сай келді, деп хабарлайды jay.kz.

 

Найманбаев аренға маусым айының соңындағы даулы дисквалификациядан кейін қайта оралады: сол кезде ол қарсыласын нокаутқа түсіріп жеңіске жеткенімен, төрешілер ережебұзушылық болды деп шешті, бірақ нақты неге байланысты екенін түсіндірмеді. Бастапқыда спортшы жақын арада жекпе-жекке шығуды жоспарламаған, бірақ оны Дана Уайттың өзі көндірген.

 

Салмақ өлшеу рәсімі 18 шілдеде өтті. Лиганың ресми сайтында көрсетілгендей, Найманбаевтың салмағы 264 фунтты (119,7 кг) құрады. Қарсыласы Купер Хаусли сәл ауыр — 266 фунт (шамамен 120 кг).