«Манчестер Юнайтед» рекордтық келісімнен бас тартты

Бірнеше ай бойы манкуниандықтар деректі фильм түсіру жөнінде келіссөздер жүргізді. Amazon тележелісі клубқа рекордтық сома ұсынған. Алайда Рубен Аморим бұл ұсыныстан бас тартуды талап еткен, деп хабарлайды jay.kz.

Келісім құны 10 миллион фунттан жоғары болған. Бұған дейін мұндай жобалар үшін «Арсенал», «Сити» және «Тоттенхэм» әлдеқайда аз қаражат алған. «МЮ» басшылығы келісімге дайын болған, бірақ Аморим қарсылық білдірді. The Athletic дерегі бойынша, бапкер түсірілім ойыншылардың негізгі жұмысына кедергі келтіреді деп санаған.