ҚПЛ-де жаңа даулы жағдай орын алды

«Туран» мен «Қызылжар» арасындағы матч жанжалсыз өтпеді. Жанкүйерлер төрешілер тарапынан өрескел қателік болғанын байқады. Бұл эпизод Қазақстан футбол федерациясының назарынан тыс қалмады, деп хабарлайды jay.kz.

84-минуттағы пенальтиден кейін үлкен дау туындады. ҚФФ төрешілік департаменті шешімді қате деп танып, төрешілердің өзара әрекеттесуі жеткіліксіз болғанын мойындады. Федерация екі арбитрді — Тимур Құмашев пен Георгий Чеховскийді — маусым соңына дейін шеттетуді ұйғарды. Екеуі де бұған дейін келісілген матчтарға қатысы бар деген күдікке ілінген болатын, деп жазады KFF.kz.