Дана Уайт Алиби Идрисдің TUF жартылай финалдағы өнеріне тәнті болды

Алиби Идрис The Ultimate Fighter шоуында жарқын жеңіске жетті. Қазақстандық спортшы Ройберт Эчеверриямен жекпе-жекте бірінші раундта-ақ әсерлі нокаут жасап, жанкүйерлерге ұмытылмас сәт сыйлады. Отандасымыздың бұл жеңісі UFC президенті Дана Уайттың назарынан тыс қалмады, деп хабарлайды jay.kz.

 

Промоутер қарсыластың қысымнан шыға алмай, қателік жасағанын және Идристің осы сәтті тамаша пайдаланғанын атап өтті. Уайт қазақстандық файтердің ауыр соққысынан қатты әсер алғанын жеткізді. UFC басшысы Алибидің финалға лайықты өтіп, керемет жекпе-жек көрсеткенін айтты.