Алиби Идрис қарсыласын әсерлі нокаутпен жеңіп, TUF финалына өтті

Алиби Идрис The Ultimate Fighter шоуында өнерін жалғастырады. Қазақстандық файтер жартылай финалда әсерлі жеңіске жетіп, енді UFC-пен келісімшарт үшін шешуші жекпе-жек өткізеді, деп хабарлайды jay.kz.

 

Идрис венесуэлалық Ройберт Эчеверриямен кездесті. Жекпе-жек ұзаққа созылған жоқ: бірінші раундта-ақ қазақстандық қарсыласын торға қысып, ұшатын тізе соққысын жасап, жердегі ауыр соққылармен (граунд-энд-паунд) жекпе-жекті аяқтады. Алиби Идрис осы өнерімен Дана Уайтты тәнті етіп, UFC-де өнер көрсетуге бір қадам жақындады.