Шавкат Рахмоновтың әйелі мен ұлы жол апатына ұшырады: қайғылы жағдай

UFC-де өнер көрсететін танымал қазақстандық файтер Шавкат Рахмоновтың әйелі мен үш жасар ұлы жол апатына түсті. Оқиға адам өлімімен аяқталды, деп хабарлайды jay.kz.

 

Гүлайым Рахмонова үш жасар ұлымен және екі құрбысымен бірге Қарағандыдан Алматыға жолға шыққан. Олар мінген көлік Алматы — Екатеринбург трассасында аударылып кеткен. Halyqstan Telegram-арнасының мәліметінше, әйел адам көлікті басқара алмай қалған.

 

Рахмоновтар отбасы ауруханаға жеткізілді, жағдайлары орташа ауыр деп бағалануда. Екі жолаушы оқиға орнында қаза тапты.